Habari za Punde

*MAADHIMISHO YA MIAKA 18 YA HOME GYM YAFANA JIJINI DAR

Baadhi ya Wananchama wa Home Gym, wakishiriki kwa pamoja kukata Keki ya Maadhimisho ya miaka 18 ya Gym yao wakati wa sherehe hizo zilizofanyika jijini Dar es Salaam,leo.
***************************************
Na Devota Kihwelo, Dar
MKURUGENZI wa Kituo cha kufanyia mazoezi ya viungo Home Gym, Andrew Mangomango amesema kuwa kwa mwaka huu maadhimisho ya miaka 18 ya tangu kuanzishwa kwake yatazunguka katika baadhi ya mikoa.
Akizungumza wakati wa maadhimishi hayo yaliyifanyika Katika fukwe za Escape One mwishoni mwa wiki, Mangomango amesema kuwa ndani ya miaka 18 ameweza kupata wanachama wa kudumu takribani 200 na ameweza kuwasaidia watu mbalimbali kufahamu jinsi gani ya kufanya mazoezi.
Wanachama wa Home Gym Wakiwa katika mazoezi mbalimbali
***********************************
Mangomango amesema kuwa, maadhimisho haya ni ya tano mfululizo na kwa mwaka wameamua kutembelea baadhi ya mikoa ikiwemo Tanga, Arusha na Mwanza ambapo baadhi ya wanachama wake wa siku nyingi wapo kule na watatumia fursa hiyo kuhamasisha watu mbalimbali kufanya mazoezi kwa afya.
"Na katika kuendeleza michezo, Kituo cha Home Gym kimeweza kutoa walimu takribani nand ambao wote wameshafungua Gym zao mikoa mbalimbali ni hii ni moja ya mafanikio tuliyoyapata na zaidi bado tunashirikiana nao na hata leo kwenye maadhimisho haya wapo wote wamekuja kuunga mkono jitihada za Home Gym,"amesema Mangomango.
Katika maadhimisho yaliyohudhuriwa na baadhi ya wadau wa michezo ikiwemo Mkurugenzi wa Kampuni ya EAG, Imani Kajuna, waandishi wa habari mbalimbali na taasisi zingine wameonyesha muitikio mkubwa wa kufanya mazoezi na kuhamasisha watu wajitokeze kwani Michezo ni Afya.
Kwa mwaka huu, Mangomango amesema kuwa mwaka huu watafanya maadhimisho yao sambamba na Kumbukumbu ya Hayati Baba wa Taifa Mwalimu Julius Kambarage Nyerere Oktoba 14, mkoani Arusha.                         

No comments:

Post a Comment

SUFIANIMAFOTO Copyright © 2014

Template images by Bim. Powered by Blogger.