Habari za Punde

BARAZA LA WAFANYAKAZI LITUMIKE KUTATUA MIGOGORO YA WAFANYAKAZI – MAKAMBA

 Waziri wa Nchi ofisi ya Makamu wa Rias Muungano na Mazingira Mhe. January Makamba akizungumza na wajumbe wa Baraza la wafanyakazi la Ofisi ya Makamu wa Rais leo Jijini DSM kushoto ni Katibu Mkuu wa Ofisi hiyo Professor Faustine Kamuzora na kulia ni Katibu wa Baraza hilo Bw. Isaya Kisiri.
 Sehemu ya wajumbe wa Baraza la Wafanyakazi Ofisi ya Makamu wa Rais wakiimba kwa pamoja wimbo wa wafanyakazi kabla ya kuanza kwa Mkutano wa wajumbe wa Baraza la wafanyakazi Ofisi ya Makamu wa Rais jijini Dar es Salaam leo.
 Sehemu ya wajumbe wa baraza la wafanyakazi wa Ofisi ya Makamu wa Rais katika Mkutano wa baraza hilo jijini Dar Es Salaam leo.
 Katibu wa baraza la wafanyakazi Ofisi ya Makamu wa Rais Bw. Isaya Kisiri (kulia) akifungua mkutano wa baraza hilo uliofanyika katika Ofisi ya Makamu wa wa Rais Mtaa wa Luthuli jijini Dar es Salaam.  (kushoto) ni Katibu Mkuu mstaafu Bw. Mubarak Abdul Wakil.
Katibu Mkuu Ofisi ya Makamu wa Rais Professor Faustin Kamuzora (kushoto) akimkaribisha Waziri wa Nchi Ofisi ya Makamu wa Rais Muungano na Mazingira Mhe. January Makamba aliyekaa katikati, katika Mkutano wa Baraza la wafanyakazi cha Ofisi Hiyo uliyofanyika Leo Jijini Dar es Salaam.
*************************************
Na Evelyn Mkokoi, Dar 
Tawi la baraza la wafanyakazi katika Ofisi ya makamu wa Rais limetakiwa kuwa ndo sehemu sahihi ya kujadili na kutatua migogoro ya wafanyaki na siyo majukwaa ya siasa.

Hayo yameelezwa leo na Waziri wa Nchi anayeshughulikia masuala ya Muungano na Mazingira Mhe January Mkamba, Lipokuwa akizungumza na wajumbe wa Baraza la wafanyakazi katika Ofisi ya Makamu wa Rais Mtaa wa Luthuli jijini dar es Salaam.

Mhe.Makamba alisema kuwa vikao vya baraza la wafanyakazi vimekuwepo kisheria na ni muhimu wajumbe kukaa pamoja kujadili masuala ya msingi yanyowahusu watumishi kwani wao ndo waliowachangua hivyo, majadiliano yanayokuwepo katika vikao hivyo ni nyenzo muhimu ya kuondoa migogoro na migomo mahala pa kazi.

“Nyie ni miongoni mwa watumishi wa Ofisi ya Makamu wa Rais ambao kwa namna moja au nyingine mmeaminiwa na kukabidhiwa dhamana ya kuwawakilisha wenzenu katika chombo hiki muhimu, katika kuamua na kushauri Baraza juu ya masuala mbalimbali yanayolenga kuleta ufanisi na utulivu ndani ya Ofisi yetu.alisisita Makamba”.

Aidha, Waziri Makamba alisema kwamba, Lengo la vikao vya Baraza ni kuleta ufanisi wa utendaji kazi mahala pa kazi kwa ajili ya manufaa ya Taifa kuelekezana, kushauriana na kukumbushana, kuhusu majukumu ya ofisi na ushiriki wa wafanyakazi katika kuyatekeleza na kuyasimamia, na aliongeza kwa kusema kuwa ni fursa ya kipekee ya kutafakari utendaji wa kazi na majukumu ya Ofisi kwa ujumla.

Kikao hicho cha baraza la wafanyakazi cha Ofisi ya makamu wa Rais kimudhuriwa na wawakilishi kutoka TUGHE Taifa na Mkoa na Wawakilishi kutoka Ofisi ya Makamu wa Rais Zanzibar. 

No comments:

Post a Comment

SUFIANIMAFOTO Copyright © 2014

Theme images by Bim. Powered by Blogger.