Habari za Punde

SERIKALI YAMALIZANA NA WENYEVITI WA SERIKALI ZA MITAA KUHUSU MIHURI



Waziri wa nchi Ofisi ya Rais Tamisemi, George Simba Chawene akizungumza na wawakilishi kutoka serikali za mitaa leo jijini Dar es Salaam kuhusiana na kusitisha muongozo wa kuzuia kutumia mihuri kwa wenyekiti wa serikali.


Waziri wa nchi Ofisi ya Rais Tamisemi, George Simba Chawene akizunguimza akizungumza na waandishi wa habari.
****************************************

Na Anthony John Dar.
Baada ya mvutano wa muda mrefu baina ya Serikali na Wenyeviti wa Serikali za mitaa,Serikali imesitisha muongozo wake wa kuzuia kutumia mihuri kwa wenyekiti wa serikali. 
Serikali imesitisha waraka wa muongozo uliotolewa kuhusu matumizi ya mihuri kwa wenyeviti wa Mitaa na vijiji mpaka pale itakaposhirikiana na kukubaliana namna bora ya kuendesha masuala ya kuhudumia wananchi.

Akizungumza leo hii Jijini Dar es salaam na wawakilishi kutoka serikali za mitaa, Waziri wa nchi Ofisi ya Rais Tamisemi, George Simba Chawene amesema amesitisha muongozo uliotolewa juu ya utumiaji wa mihuri kwa Wenyeviti wa serikali za mitaa mpaka mpaka hapo baadae itakapojadiliwa tena. 

''Hakukuwa na dhamira yeyote ya kupunguza mamlaka ya heshima yenu Wenyeviti, lakini kama muhuri inaweza kupunguza heshima yenu nimeona kufuta muongozo huu Mpaka pale tutakapo jadili tene upya swala hili" amesema 
Sanjari na hayo Waziri Simbachawene amefafanua kuwa kulikuwa na sababu za msingi za kutoa muongozo huo wa kutokutumia mihuri kutokana na matumizi mabaya ya mihuri kwa Wenyeviti wa serikali za mitaa na kupelekea kuigawa ardhi bila utaratibu maalumu. 

Hata hivyo Katibu wa Wenyeviti Mkoa wa Dar es salaam Mariam Machicha ameishukuru Serikali kwa kuona tatizo hilo na kuahidi kulifanyioa kazi. 
Waziri wa nchi Ofisi ya Rais Tamisemi, George Simba Chawene akizungumza akizungumza na waandishi wa habari.
Baadhi ya wawakilishi kutoka serikali za mitaa wakimsikiliza Waziri wa nchi Ofisi ya Rais Tamisemi, George Simba Chawene wakati akisitisha muongozo wa kuzuia kutumia mihuri kwa wenyekiti wa serika.
Wawakilishi kutoka serikali za mitaa wakisikiliza jambo kwa Waziri wa nchi Ofisi ya Rais Tamisemi, George Simba Chawene wakati.
Waziri wa nchi Ofisi ya Rais Tamisemi, George Simba chawene akiwa katika picha ya pamoja na Wawakilishi kutoka serikali za mitaa.

No comments:

Post a Comment

SUFIANIMAFOTO Copyright © 2014

Theme images by Bim. Powered by Blogger.