Habari za Punde

BENKI YA POSTA TANZANIA (TPB) YAIPIGA TAFU TASWA SC KUELEKEA SAFARI YA ARUSHA

Ofisa Mawasiliano wa Benki ya TPB, Chichi Banda (kulia) akimkabidhi mfano wa hundi ya Sh. milioni 1.5 Mwenyekiti wa Timu ya Waandishi wa Habari za michezo Tanzania (Taswa SC) Majuto Omary ikiwani  sehemu ya udhamini wao kwa timu hiyo kuelekea kushiriki Bonanza la waandishi wa habari wa Kanda ya Kaskazini.
 Mwenyekiti wa Timu ya Waandishi wa Habari za Michezo Tanzania (Taswa SC) Majuto Omary (kushoto) akizungumza katika hafla ya kupokea mfano wa hundi kutoka Benki ya TPB.  kulia ni Ofisa Mawasiliano wa Benki hiyo, Chichi Banda.
 Ofisa Mawasiliano wa Benki ya TPB, Chichi Banda (kulia) akizungumza jambo baada ya kukabidhi mfano wa hundi kwa Mwenyekiti wa Timu ya Waandishi wa Habari za Michezo (Taswa SC) Majuto Omary.
**********************************************
Na Ripota wa Mafoto Blog, Dar
BENKI ya TPB imeipa tafu timu ya Soka na netiboli ya waandishi wa Habari za Michezo nchini (Taswa Sc) inayoondoka leo Dar es Salaam kwenda Arusha kushiriki bonanza la vyombo vya Habari.
Afisa Mawasiliano wa TPB Benki Chichi Banda alisema kuwa wameamua kuisaidia Taswa SC kutokana na kutambua mchango wao katika kuendeleza michezo kwa vitendo huku wakiwa ni waandishi wa habari.
Chichi alisema kuwa wamevutiwa sana Taswa SC ambayo kwa miaka mingi imekuwa ikifanya vizuri katika mashindano mbalimbalimbali ikiwa pamoja na kuwa mabingwa wa kihistoria ya bonanza la vyombo vya habari la kanda ya Kaskazini.
“Hii ni faraja kwetu na tunaomba Taswa SC kuendeleza wimbi la ushindi katika bonanza hilo, tunaomba muendelee kufanya vyema ili kujiwekea historia zaidi,” alisema Chichi.
Mwenyekiti wa Taswa SC, Majuto Omary aliipongeza TPB Benki kwa msaada huo na kuomba wadau wengine kuunga mkono juhudi za benki hiyo kongwe nchini kuwasaidia waandishi wa habari.
"Kuna wadau wengi sana wa waandishi wa habari, tumepeleka maombi kwao, wengine wametujibu kwa simu tena siku mbili kabla ya kuanza safari kuwa hawana bajeti na wengine wamekaa kimya kabisa, imetusikitisha sana, tunawashukuru TPB Benki ambao wamekuwa na sisi kila tunapowahitaji,” amesema Majuto.
Majuto alisema kuwa waandishi wa habari ni wadau wakubwa katika sekta ya michezo na wamekuwa mstari wa mbele kuchangia maendeleo ya sekta hiyo, lakini mara kadhaa wamekuwa wakikumbana na vikwazo vikubwa katika shughuli ambazo zinawahusisha wao moja kwa moja.
“TPB Benki ni wadau wakubwa sana kwa Taswa SC, tunawapongeza kwa kujitolea kufanikisha shughuli hii ambayo sasa kila mchezaji (Mwandishi) ana uhakika wa kusafiri na kwenda kutetea ubingwa huku Arusha,” alisema Majuto.

No comments:

Post a Comment

SUFIANIMAFOTO Copyright © 2014

Theme images by Bim. Powered by Blogger.