Habari za Punde

SIMBA WAUCHUKULIA MIGUUNI KWA YANGA BAADA YA 1-0

Wachezaji na viongozi wa Simba, wakishangilia bao lililofungwa na Erasto Nyoni, katika dakika ya 37 kipindi cha kwanza.Katika mchezo huo Simba imeshinda bao 1-0.
Kiungo wa Yanga, Raphael Daud, akiruka kumiliki mpira mbele ya beki wa Simba, James Kotei, wakati wa mchezo wa Ligi Kuu uliochezwa kwenye Uwanja wa Taifa jijini Dar es Salaam
 Kiungo wa Simba Jonas Mkude (wa pili kushoto) akijaribu kumpita Papii Tshishimbi, wakati wa mchezo wa Ligi Kuu uliochezwa kwenye Uwanja wa Taifa jijini Dar es Salaam.
**********************************************

BAO pekee la beki Erasto Nyoni limetosha kuipa ushindi wa 1-0 Simba SC dhidi ya mahasimu wao, Yanga SC jioni ya leo katika mchezo wa Ligi Kuu ya Tanzania Bara Uwanja wa Taifa, Dar es Salaam.
Ni ushindi ambao unawasogeza kabisa Wekundu hao wa Msimbazi karibu na taji la kwanza la ubingwa wa Ligi Kuu tangu mwaka 2012, kwani sasa inafikisha pointi 62 baada ya kucheza mechi 26 na sasa itahitaji kushinda mechi mbili ili kujihakikishia ubingwa, lakini shughuli inaweza kuwa nyepesi kama Yanga yenye pointi 48 za mechji 24 sasa itapoteza tena mechi zake mbili zijazo.
Katika mchezo huo uliochezeshwa na refa Emmanuel Mwandembwa wa Arusha aliyesaidiwa na Frank Komba wa Dar es Salaam na Mohammed Mkono wa Tanga, Nyoni alifunga bao lake hilo dakika ya 37 akimalizia mpira wa adhabu uliopigwa na winga Shiza Ramadhani Kichuya.

  Kiungo wa Yanga, Papii Tshishimbi, akijaribu kuwatoka wachezaji wa Simba, Shomari Kapombe (katikati) na Emmanuel Okwi, wakati wa mchezo wa Ligi Kuu uliochezwa kwenye Uwanja wa Taifa jijini Dar es Salaam.
 Wachezaji wa Simba wakishangilia bao lililofungwa na Erasto Nyoni katika dakika ya 37 kipindi cha kwanza.
 Beki wa Simba, James Kotei (kushoto) akichuana kuwania mpira na Mshambuliaji wa Yanga, Obrey Chirwa, wakati wa mchezo wa Ligi Kuu uliochezwa kwenye Uwanja wa Taifa jijini Dar es Salaam
 Obrey Chirwa, akiruka kumiliki mpira, wakati wa mchezo wa Ligi Kuu uliochezwa kwenye Uwanja wa Taifa jijini Dar es Salaam.
 Ibrahim Ajib (kulia) akishikwa jezi na mchezaji wa Simba.....
 Cjirwa akimfinya Mlipili
**********************************************************************
Dalili za Simba kupata bao zilionekana mapema tu, kutokana kuutawala mchezo dhidi ya wapinzani wao ambao hawakuwa na makali kabisa katika safu yao ya ushambuliaji.
Sifa ziwaendee walinzi wa Yanga, wakiongoza na mkongwe, Kelvin Patrick Yondan kwa kuwadhibiti vizuri washambuliaji hatari na wenye uchu wa Simba, akina Kichuya, Mganda Emmanuel Okwi na Nahodha, John Raphael Bocco.
Kipindi cha pili Yanga ilikianza vibaya baada ya kupata pigo kufuatia beki wake wa kulia, Hassan Ramadhani Kessy kutolewa kwa kadi nyekundu dakika ya 48 kwa kumchezea rafu beki Mghana, Asante Kwasi.
Na hapo ndipo matumaini ya ushindi kwa mabingwa hao watetezi yalipozima na kuanza kucheza kwa tahadhari kujizuia kuruhusu mabao zaidi ya wapinzani wao.
Simba SC ilistahili ushindi wao leo kutokana na mchezo mzuri na ubora wa kikosi chake ni bahati tu iliyowakosesha mabao zaidi.
Kikosi cha Simba SC kilikuwa; Aishi Manula, Nicholas Gyan/Paul Bukaba dk83, Asante Kwasi, Erasto Nyoni, Yussuf Mlipili, James Kotei, Jonas Mkude, Shomary Kapombe, John Bocco, Emmanuel Okwi na Shiza Kichuya.
Yanga SC; Youthe Rostand, Hassan Kessy, Gardiel Michael, Andrew Vincent 'Dante', Kelvin Yondan, Said Juma 'Makapu', Yussuf Mhilu, Papy Kabamba Tshishimbi/Emmanuel Martin dk80, Obrey Chirwa, Raphael Daudi/Juma Mahadhi dk46 na Ibrahim Ajib/Pius Buswita dk 62.
 Chirwa akiruka kupiga kichwa
 Chirwa akiruka katikati ya mabeki
 Juma Mahadhi (kushoto) akijaribu kumhadaa Mlipili
 Shabiki wa Simba akifanya yake....
 Askari wa usalama barabarani akiongoza mashabiki katika foleni ya kuingia uwanjani
 Sehemu ya mashabiki wa soka wakiwa katika foleni kuingia uwanjani
 Foleni ya kuingia uwanjani....
 Mashabiki  wa Simba wakishangilia bao lililofungwa na Erasto Nyoni, katika dakika ya 37 kipindi cha kwanza.

No comments:

Post a Comment

SUFIANIMAFOTO Copyright © 2014

Theme images by Bim. Powered by Blogger.