Habari za Punde

YANGA ILIVYOPOTEZA TUMAINI LA MBIO ZA UBINGWA MBELE YA SINGIDA UTD


 Obrey Chirwa akijaribu kumiliki mpira wakati wa mchezo huo.
***************************************
MSIMAMO WA LIGI KUU TANZANIA BARA BAADA YA MECHI ZA LEO

                                P                W            D             L             F            A            Pts
1. Simba SC           22               15            7             0             52           11           52
2. Yanga SC           22               13            8             1             39           12           47
  3. Azam FC              23               12            9            2             24            10           45  
4. Prisons               24                9            11            4             23            16          38
5. Singida               24                9           10            5             22             22          37
6. Mtibwa               22               7             9             6            18             16           30
7. Lipuli FC           24                6          10              8            17             19           28
8. Mbeya City        23               5           11              7            20             25           26
9. Mwadui FC        24              5            11              8            26             31           26
10. Ruvu S'            23               6            8                9           20              29          26
11. Stand Utd         23               6           7                10          15             26           25
12. Kagera             24               4           11               9            15            24           24
13. Ndanda            23               4           11                8           16            22           23
14. Mbao FC         24               5            8               11           20            32           23
      15. Maji Maji         24              3            10              11           21            33           19        
16. Njombe            24              3             9               12           14               33           18
 Mudathir Yahya wa Singida Utd, akitoa pande
 Papy Tshishimbi akiwatoka mabeki wa Sigida Utd
TIMU ya Yanga SC leo imeanza kupoteza matumaini ya kuendelea na mbio za kuendelea kuwania ubingwa na kutetea taji lake la Ligi Kuu Tanzania Bara baada ya kulazimisha sare ya 1-1 na Singida United Uwanja wa Taifa jijini Dar es Salaam.Sare hiyo inaiongezea Yanga pointi moja tu na kufikisha 47 baada ya kucheza mechi 22, ikizidiwa pointi tano na vinara, Simba SC wenye pointi 52 za mechi 22 pia. 
Katika mchezo wa leo uliochezeshwa na mwamuzi Jacob Adongo wa Mara aliyesaidiwa na Ferdinand Chacha wa Mwanza na Janeth Balama wa Iringa , Singida waliishitua Yanga kwa bao la mapema tu dakika ya pili, lililofungwa na Mkongo, Kambale Salita,akiitendea haki krosi murua ya Kigi Makasi.
Yanga SC walizinduka na kujaribu kusukuma mashambulizi langoni mwa Singida United, lakini washambuliaji wake, Ibrahim Ajib, Mzambia Obrey Chirwa na Yussuf Mhilu walipoteza nafasi za kufunga. 
Singida United ilipata pigo dakika ya 37 baada ya kipa wake, Ally Mustafa ‘Barthez’ kuumia na kushindwa kuendelea na mchezo. Nafasi yake ikichukuliwa na Peter Manyika Jr.
Kocha Mholanzi, Hans van der Pluijm akafanya mabadiliko mengine ya lazima dakika ya 40 baada ya beki wake Mganda, Shafiq Batambuze kuumia na kushindwa kuendelea na mchezo na nafasi yake kuchukuliwa na Salum Chukwu.Yanga ikatumia mwanya huo kupata bao la kusawazisha lililofungwa na beki Mzanzibari, Abdallah Shaibu ‘Ninja’ dakika ya 45 kwa kichwa akimalizia kona iliyopigwa na Mwinyi Hajji Mngwali.
Kipindi cha pili, Yanga walikianza vizuri na kutawala mchezo, lakini mipango yao ikaishia kwenye kushambulia tu na si kufunga, huku Chirwa akipoteza nafasi nzuri zaidi ya kufunga dakika ya 85 ya mchezo huo kwa kupiga juu baada pasi nzuri ya Yussuf Mhilu.
Ligi Kuu itaendelea kesho kwa mchezo mmoja, Simba SC wakiwakaribisha Mbeya City Uwanja wa Taifa mjini Dar es Salaam. Sare hii inakuja siku moja baada ya kocha Mkuu wa Yanga, Mzambia, George Lwandamina kuondoka jana kwenda Zambia na habari zinasema anarejea klabu yake, Zesco United ya kwao.
Lwandamina ambaye mkataba wake unamalizika Juni mwaka huu, alijiunga na Yanga Novemba mwaka 2016 akichukua nafasi ya Mholanzi, Hans van der Pluijm na katika kipindi hicho ameiongoza timu katika michezo 77 ya mashindano yote akitoa sare 18, kushinda 45 kati ya hizo mbili kwa penalti baada ya sare ndani ya muda wa kawaida na kufungwa 14, tano kwa penalti baada ya sare katika muda wa kawaida.
Mechi nyingine za Ligi Kuu leo, Maji Maji imeshinda 3-1 dhidi ya Stand United Uwanja wa Kambarage, Shinyanga, Mbao FC imeshinda 2-1 dhidi ya Njombe Mji FC Uwanja wa CCM Kirumba mjini Mwanza, Mwadui FC imeshinda 2-1 dhidi ya Lipuli FC Uwanja wa Mwadui Complex, Shinyanga na Tanzania Prisons imelazimishwa sare ya 1-1 na Kagera Sugar Uwanja wa Sokoine mjini Mbeya.
Kikosi cha Yanga SC: Youthe Rostand, Hassan Kessy, Mwinyi Mngwali, Abdallah Shaibu ‘Ninja’, Kelvin Yondan, Papy Tshishimbi, Yussuf Mhilu, Pius Buswita/Juma Mahadhi dk73, Obrey Chirwa, Raphael Daud na Ibrahim Ajibu/Geoffrey Mwashiuya. 
Kikosi cha Singida United: Ally Mustafa ‘Barthez’/Peter Manyika dk37, Miraji Adam, Shafiq Batambuze/Salum Chukwu dk40, Kennedy Juma, Malik Antiri, Mudathir Yahaya, Deus Kaseke, Kenny Ally, Kambale Salita, Nizar Khalifan/Yussuf Kagoma dk69 na Kiggi Masaki.

No comments:

Post a Comment

SUFIANIMAFOTO Copyright © 2014

Theme images by Bim. Powered by Blogger.